Тукай районында юл хәрәкәте иминлеге комиссиясе утырышы булды

Тукай районы хакимиятендә юл хәрәкәте иминлеге комиссиясе утырышы узды, аны Башкарма комитет җитәкчесенең беренче урынбасары Айрат Хәбибуллин үткәрде.  

Россия Эчке эшләр министрлыгының Тукай районы буенча ЮХИДИ бүлеге җитәкчесе Илнар Каюмов Юл хәрәкәте иминлегенең агымдагы торышы турындагы нотык белән чыгыш ясады. Утырыш барышында катнашучылар юлларда куркынычсызлыкны тәэмин итүнең актуаль мәсьәләләре буенча фикер алыштылар, юл-транспорт һәлакәтләре статистикасын анализладылар һәм вәзгыятьне яхшырту өчен кирәкле чаралар билгеләделәр.