Түбән Камада зарар күргән фатирларны торгызу эшләре башланды
Түбән Камада пилотсыз очкычлар һөҗүме нәтиҗәсендә зыян күргән фатирларны сүтү һәм торгызу эшләре башланды. Хәзерге вакытта белгечләр биналарның зарарланган өлешләрен җыя һәм йортны капиталь ремонтка әзерли. 70тән артык кеше вакытлыча урнашу урыннарында яши.
Түбән Камада пилотсыз очкычлар һөҗүме аркасында зыян күргән фатирларны сүтү эшләре башланды. Бу хакта Түбән Кама районы башлыгы Радмир Беляев эшлекле дүшәмбедә хәбәр итте, дип яза «Татар-информ».
Аның сүзләренчә, торгызу эшләре узган атнада ук башланган. Хәзер белгечләр зыян күргән өлешләрне сүтә һәм йортны ремонтка әзерли. Алга таба фатирларны тулысынча төзекләндерү һәм йортны яңарту планлаштырыла.
Беляев эшләрне мөмкин кадәр тиз арада тәмамлау бурычы куелуын әйтте, чөнки бу кешеләрнең тизрәк өйләренә кайтуы өчен кирәк.
Хәзерге вакытта 70тән артык кеше вакытлыча урнашу урыннарында яши. Өлкәннәр «Ижминводы» шифаханәсенә җибәрелгән, балалы гаиләләр шәһәрдәге вакытлыча торакларда урнаштырылган.
Шулай ук зыян күләмен бәяләү дәвам итә: махсус комиссия һәр фатирны тикшерә, ә машиналарга килгән зыянны да рәсми рәвештә теркәп бара.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев