“Толерантлык планетасы” темасына уен тренингы үткәрелде
«Балаларга көч кулланмау» программасын тормышка ашыру кысаларында Тукай районы «Шәфкать» халыкка социаль ярдәм күрсәтү үзәге гаилә һәм балаларга социаль ярдәм курсәтү бүлекчәсе психологы Ләйсән Насыйрова 1 нче социаль участокта «Толерантлык планетасы» дигән темага уен тренингы үткәрде.
Тренинг бер-берсенә карата толерант мөнәсәбәт формалаштыру, башка кешене кабул итүгә, эмоциональ элемтәләрне, сабырлык һәм хөрмәт тәҗрибәсен тапшыруның мөһимлеген аңлау максатыннан оештырылды. Дәреснең төп бурычы - толерантлыкны төрле кешеләргә карата формалаштыру иде.
Тренингта төрле категория гаиләләрдән 35 балигъ булмаган бала катнашты.
Тренинг вакытында балалар даирәгә утырдылар, психолог шәхеснең толерантлыгын үстерү өчен практик күнегүләр үткәрде: «Социаль рольләрне үрнәкләү», «Күперчек», «Сүзсез ярдәм». Дискуссия үткәрелде, аерым һәм төркемдә толерант шәхес портреты төзелде, әлеге темага балалар шигырьләр укыдылар.
Тренинг ахырында психолог толерантлыкны тормышта бер-берсен хөрмәт итү һәм кабул итү буларак күрсәтү кирәклеген билгеләп үтте.
Следите за самым важным и интересным в Telegram-каналеТатмедиа
Нет комментариев