Түбән Суыксу авылы ике рейтинг буенча да беренчелектә

admin, 5 сентябрь 2018 - 11:15

1023

Узган уку елы нәтиҗәләре буенча укыту эшчәнлеге рейтингында Түбән Суыксу мәктәбе беренчелеккә чыкты. Беренче бишлектә шулай ук Биклән, Комсомолец, Иске Абдул һәм Борды мәктәпләре дә бар. Комсомолец мәктәбе узган ел нәтиҗәләрен 10 баскычка югарырак күтәрә алган.

Балалар бакчалары рейтингында да беренчелек Түбән Суыксу авылында – күптән түгел генә ремонт эшләре төгәлләнгән «Ак каен» бакчасы нәтиҗәләрен бер баскычка югарырак күтәргән. Комсомолец поселогының «Петушок» бакчасы икенче урында, Калмаш авылының «Ләйсән» бакчасы – өченче, Бәтке авылының «Аленушка» бакчасы дүртенче баскычта. Бишлекне Боерган авылының «Кызыл калфак» бакчасы төгәлли.