Татарстанда төшерелгән иң яхшы фильмнарны онлайн-кинотеатр аша карап була

Татарстанда төшерелгән фильмнарны “Татаркино” оешмасының рәсми сайтында онлайн-кинотеатр аша карарга мөмкин. Бу хакта кичә журналистлар белән очрашу вакытында “Татаркино” оешмасы генераль директоры Миләүшә Айтуганова хәбәр итте.

Хәзерге вакытта онлайн кинотеатрга дүрт фильм урнаштырылган. Болар – 2004 елда төшерелгән “Күктау”, 2009 елда төшерелгән “Бибинур”, 2006 елда төшерелгән “Югалту”, 2017 елда төшерелгән “Хәлимә” фильмнары. Алар үз вакытында халыкара фестивальләрдә уңыш казанган популяр татар фильмнары.

“Кинотеатр” алга таба да тулыландырылачак.

"Татаркино" оешмасы журналистлар белән бергә ел йомгаклары ясады. Журналистлар белән Миләүшә Айтуганова һәм яшь кинорежиссерлар очрашты.