Татарстанда бер тәүлектә 50 кешедә коронавирус табылган

Республика башкаласы Казанда – 22, Чаллыда – 12, Әлмәт районында – 5, Азнакайда – 2, Әгерҗе, Актаныш, Лениногорск, Мөслим, Түбән Кама, Сарман районнарында берәр кешедә вирус булуы ачыкланган. Шул рәвешле, республикада бер тәүлектә 50 кешедә инфекция табылган, аларның өчесе чирне читтә йоктырып кайткан, калганнары башка авырулар белән аралашу нәтиҗәсендә эләктергән. ТР Сәламәтлек саклау министрлыгының матбугат хезмәте хәбәреннән күренгәнчә, 19 кеше дәваханәгә озатылган, 31 кеше өендә дәвалана. 
Пандемия башланганнан алып республикада коронавирус инфекциясенең 25 мең 764 очрагы теркәлгән.