Татарстан Пенсия фонды кайнар линиясенең номеры үзгәрде

Россия Пенсия фондының Татарстан буенча кайнар линия телефоны үзгәрде. Бу хакта төбәк бүлегенең матбугат хезмәте хәбәр итә.

«Хәзер Татарстан Пенсия фонды контакт-үзәге операторларына 8-800-600-0357 номеры буенча шалтыратырга мөмкин», — диелә хәбәрдә.

Россия Пенсия фондының Татарстан буенча контакт-үзәге 2016 елда эшли башлады, шул вакыттан бирле аның операторлары республика халкыннан 600 меңгә якын шалтырату кабул итте.

Кайнар линия номеры буенча шалтыратып, пенсия тәэмин ителеше буенча шәхси консультация алырга мөмкин. Контакт-үзәк хезмәткәрләре шәхси мәгълүматны үз эченә алган сорауга, гражданин кодлы сүзне атаганнан соң гына җавап бирергә әзер. Аны Пенсия фондының рәсми сайтында www.pfrf.ru шәхси кабинетта «Кулланучы профиле» өстәмә битендә алдан күрсәтергә кирәк.