Татар халкы стратегиясе

Аның билгеләп үтүенчә, җиде федераль округта фикер алышу һәм берничә иҗтимагый форумда презентацияләүдән соң стратегия кабул ителәчәк. Ул «Милли Шура» өчен төп закон булырга тиеш. Документ милли үзаң, милли рухны саклау һәм татарларның тәңгәллеген үстерү турында кайгыртып эшләнә. Стратегияне әзерләү барышында шигарь кабул ителде. Ул болай яңгырый: «Мин татар булмасам, кем булырмын соң?». Шигарь һәр кешенең күңеленә үтеп керергә тиешле. Стратегия буенча фикер алышу барышында һәркем бу сорауны үзенә бирергә һәм җаваплар эзләргә тиеш булачак. Мөһим документны эшләүдә галимнәр, җәмәгать эшлеклеләре катнаша. Форумда район башлыгы урынбасары Рөстәм Закиров җитәкчелегендә Тукай районы делегациясе дә катнашты.