Талантлы кыз

admin, 25 декабрь 2018 - 06:45

1055

Сүзебез мәктәбебезнең йолдызчыгы – Айсылу Сәфиуллина турында. Ул 9 сыйныфта укый.

Айсылу мәктәп hәм район тормышында актив катнаша, яхшы билгеләргә генә укый. Ел саен төрле фән олимпиадаларында катнашып, призлы урыннар яулый. Әйтик, 2017-2018 уку елында Татарстан тарихы буенча муниципаль олимпиадада һәм 2016 елда Россиякүләм иншалар бәйгесендә җиңүче булды. 2017 елда «Синең медицинага беренче адымың» hәм наркотикларга каршы көрәш дип исемләнгән республика бәйгеләрендә призлы урыннарга лаек булды.
Мәктәбебез укучыларының эш нәтиҗәләрен югары бәяләп, республиканың төп чыршы бәйрәменә чакырылуы – безнең өчен зур горурлык!