Тагын ике тукайлыга ярдәм иттеләр

admin, 24 август 2019 - 08:15

1085

Районда эшләп килүче хәйрия фонды физик мөмкинлекләре чикләнгән тукайлыларга булышуын дәвам итә.

Шушы көннәрдә ул тагын ике гаиләне сөендерде. Бу юлы «Татарстан» совхозы поселогында яшәүчеләргә бәхет елмайды. Эльвира Рәхмәтуллина балалар церебраль параличы куелган 14 яшьлек улы Данилга инвалид коляскасы алды. Беренче төркем инвалид, 63 яшьлек Владимир Самойлов исә махсус матрацлы һәм кан басымын контрольдә тоту өчен тонометрлы булды.
Искә төшерәбез: фонд инвалид балаларга һәм өлкәннәргә техник реабилитация чаралары, кыйммәтле дарулар алырга ярдәм итә. Гариза белән район хакимиятенең ветераннар һәм инвалидлар җәмгыятенә мөрәҗәгать итәргә кирәк.