Штраф күләмен арттыру турында закон
Россия Президенты Владимир Путин повестка буенча военкоматка нигезле сәбәпсез килмәгән өчен штраф күләмен 10-30 мең сумга кадәр җиткерү турында законга кул куйган.
Моңа кадәр аның иң зур күләме 5 мең сум тәшкил иткән. Бу җәһәттән тиешле документ хокукый мәгълүматлар рәсми интернет-порталында пәйда булган. Хәрби комиссариатка үзенең яшәү урыны, гаилә хәле, эш яки уку урыны, белеме яки яңа урынга күченүе (теркәлмичә) турында мәгълүматлар тапшырмаган хәрби бурычлыларга да 5 мең сумга кадәр штраф янарга мөмкин.
25 июльдә Дәүләт Думасы военкоматка килмәүчеләргә штрафлар күләмен арттыру турында законны икенче һәм өченче укылышларда кабул иткән. Соңрак аны Федерация Советы хуплаган.
Следите за самым важным и интересным в Telegram-каналеТатмедиа
Нет комментариев