С.Сәйдәшев исемендәге авыл хуҗалыгы предприятиесе» ҖЧҖ директоры Марат Сафинның Яңа ел белән котлауы

Яңа ел – күңелләргә шатлык өләшүче иң яраткан бәйрәмебез. Көтеп алынган әлеге бәйрәм һәммәбезгә дә бәхет бүләк итсен, яңа башлангычларыбызда уңышлар һәм җиңүләр алып килсен, уңышларыбыз артып торсын. 2022 ел бар кешегә дә сәламәтлек, күңел тынычлыгы алып килсен, хезмәтегез куаныч китерсен. Моның өчен районда барлык шартлар тудырылган. Заманча инфраструктура һәм халыкның тормыш-көнкүреше, хезмәте, ялы өчен мөмкинлекләр – эшчәнлектә өстенлекле юнәлеш. Бу киләчәктә дә шулай булып калсын иде.
Үзегезгә һәм якыннарыгызга бәхет, сәламәтлек, иминлек телим. Яңа ел сезнең барлык яхшы ниятләрегезне тормышка ашырсын. Бәйрәмебез куанычлы, күңелле, өстәлләребез ризык тулы түгәрәк булсын!

Хөрмәт белән «С.Сәйдәшев исемендәге авыл хуҗалыгы предприятиесе» ҖЧҖ директоры Марат Сафин.