«Соры» хезмәт хакына каршы көрәш

Формаль булмаган мәшгульлек – теркәүгә алынмаган һәм салымнар салынмаган эшчәнлек. Кызганыч, әлеге төр мәшгульлеккә күпләр каршы түгел. Ләкин шуны онытмаска кирәк: бүген күбрәк түлиләр, ә киләчәктә вакытлыча эшкә яраксыз булып калсагыз, әлеге чор өчен түләүләрдән мәхрүм каласыз. Бәби тапканнан соң бирелә торган пособие белән дә шундый ук хәл. Андыйларны картлыгында бик кечкенә пенсия көтә.
Хезмәт хакыгызны «конвертта« алырга ризалык биреп, Сез бит хезмәт турындагы законда каралган хокукларыгызны бозарга рөхсәт бирәсез.
Формаль булмаган мәшгульлек, хезмәт хакын вакытында түләмәү очраклары буенча тукайлылар «Халык контроле» мәгълүмати системасының «соры» хезмәт хакы бүлегенә мөрәҗәгать итә ала. Шулай ук Сезгә, туганнарыгызга, танышларыгызга хезмәт хакын «конвертта» гына бирүчеләр турында 70-00-76 телефоны аша «Кайнар линия«гә мөрәҗәгать итәргә мөмкин.