Сәмәкәй авылында “Мөнәҗәтләр кичәсе”

Мөхтәрәм кунаклар арасында районыбызның имам-хатыйбы Җәүдәт хәзрәт,район мөхтәсибәтенең яшьләр белән эшләү бүлеге җитәкчесе Рамил хәзрәт, Тукай районы филиалы мөслимәләренең рәисе Фәридә Харрас кызы Шарипова, авылыбызның имамы Миргасыйм абый Галимҗанов,мөгәлимәбез Рәмилә апа,Сәмәкәй авыл җирлеге башлыгы Зиннур Мәсхут улы һәм район мәдәният бүлеге җитәкчеләре дә бар иде.
Барлык катнашучылар да мөнәҗәтләрен ихлас һәм чиста күңел белән башкарып чыктылар. Катнашучылар бик күп булса да «бер тында, бер сулышта», бик тә самими узды бу кичә, гүя һәрбер кешенең күңеле сафланып, йөзе нурланып калды.
Мөнәҗәтләрне, аларны көйләүчеләрне тыңлаганда халыкның хикмәтле фәлсәфәче, нечкә күңелле шагыйрь булуына, аларның тәрбияви көченә хәйран каласың. 
Соңыннан һәрбер катнашучыга истәлекле бүләкләр дә тапшырылды. Бу күләмле кичәне оештыруда ярдәм иткән һәрбер кешегә ихластан рәхмәтләребезне белдерәбез.

Сәмәкәй мәдәният йорты директоры Исхакова А.А.