Силос салу дәвам итә 

Авыл хуҗалыгы идарәсе мәгълүматларыннан күренгәнчә, 22 сентябрьгә район буенча барлыгы 20192 тонна силос салынган, бу пландагының уртача 29 процентын тәшкил итә. Силос салуда «Ярыш» хуҗалыгы алда, биредә план үтәлеше 85 процент. «Парадиз» ҖЧҖдә планлаштырылган 5709 тонна силосның 3500 тоннасы, ягъни 61 проценты базга салынган. Күрсәткечләр буенча өченче урында Сәйдәшев исемендәге хуҗалык белән «Гигант» ҖЧҖ. Ләкин аларда план башка хуҗалыклар белән чагыштырганда шактый зур – 8558 һәм 8115 тонна, һәм алар планны 40 процентка үтәгән инде.