Штраф түлисең килсә...

Тукай районында «Түбән Кама урманчылыгы» дәүләт учреждениесе территориясендә мобиль төркемнәр эшләячәк. Исегезгә төшерәбез, агачларны законсыз кискән яки аларга зыян салган очракта гражданнарга 3 меңнән 4 мең сумга кадәр, вазыйфаи затларга – 20 меңнән 40 меңгә кадәр, юридик затларга 200 меңнән 400 мең сумга кадәр административ штраф яный. Моннан тыш, андый җинаятькә баручылар табигатькә китергән зыянны тулысынча кайтарырга тиеш. Штраф суммасы агач токымына, үскән урынына, урманнарның категориясенә бәйле. Декабрьдә киселгән ылыслы агач өчен штраф суммасы икеләтә артык билгеләнгән. Ә менә рөхсәтсез агач кисүдән зыян 5 мең сумнан артып киткәндә, РФ Җинаять кодексы нигезендә җинаять җаваплылыгы каралган.