Якты юл
  • Рус Тат
  • «Сак бул, мошенник!»

    Алдау, алдану очраклары турында кисәтеп-аңлатып торуга карамастан, мошенниклар ятьмәсенә эләгүчеләр көннән-көн арта бара. Өлкәннәрне әлеге афәттән саклау максатыннан, Калмия авыл китапханәсе олы яшьтәгеләр белән «Сак бул, мошенник!» дигән тематик әңгәмә үткәрде.

    Мошенниклык очракларын чагылдырган күргәзмә материал да әзерләнгән иде. Шул күргәзмәдән файдаланып, өлкәннәргә мошенникларның нинди ысуллар файдаланып кешенең ышанычын яулавы турында сөйләдек. Төрле дарулар, көнкүреш приборлары тәкъдим итүче таныш түгел кешеләр белән контактка кермәскә, белмәгән кешеләргә акча күчермәскә чакырдык. Якыныгыз юл-транспорт һәлакәтенә очрады, приз оттыгыз дип алдаулар киң таралган. Өлкәннәргә акча белән бәйле ниндидер эшкә тотынганчы ныклап уйларга киңәш иттек, уяу булырга өндәдек. Шулай ук телефоннан үзең турында мәгьлүмат бирмәскә кирәклеге турында аңлатылды.

    Энҗе Галиәхмәтова, Калмия авыл китапханәсе мөдире.

    / Фото Энҗе Галиәхмәтовадан алынды.  

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: