Райондашлардан наказлар кабул иттеләр

Партия вәкилләренең билгеләп үтүенчә, алар республикада яшәүчеләрнең, шул исәптән безнең район халкының сорауларын үзләренә теркәп, аларны ТР Дәүләт Советына сентябрь аенда сайланачак депутатлар корпусына җиткерәчәкләр. «Бердәм Россия» партиясе өчен мондый эш системасы яңалык түгел – алар 2014 елгы сайлау алды кампаниясендә дә җирлекләрдә йөреп наказлар җыйганнар иде. Ул вакытта республика буйлап 2500дән артык мөрәҗәгать кергән. Шуларның 80 проценттан артыгы үтәлгән. Ул вакытта район халкыннан да 54 наказ кабул ителеп, шуның 49ы үтәлгән иде. Партиянең халык җыеннарында кабул ителгән 14 сорауның барысы да чишелеш тапкан.
Партиянең республика штабыннан килгән агитаторлар 2 августта Круглое Поле поселогында, Биклән һәм Мәләкәс авылларында булдылар. Бу җирлекләрдән барысы 19 сорау һәм тәкъдим кбул ителде. 
10 августта исә бердәмроссиялеләр Яңа поселогында яшәүчеләрдән 6 наказ, калмашлылардан – 3, кечешилнәлеләрдән 4 наказ алдылар. 
Сораулар, нигездә, төзелеш һәм төзекләндерү, торак-коммуналь хуҗалык, транспорт, сәламәтлек саклау (аптека кирәк, ашыгыч ярдәм машиналары җитми), автомобиль юллары, балалар өчен уен мәйданчыклары төзү тармакларына кагылды. 
30 августта «Бердәм Россия» партиясенең мобиль кабул итү пункты «Татарстан» совхозы һәм Комсомолец поселокларына, Новотроицкое авылына чыгар дип көтелә.

Рөстәм Зәкиев фотосы.