Район Сабантуе кунакларны шаккатырды

Авыл хуҗалыгы техникасы парады, ат чабышлары, төрле уеннар район халкының һәм килгән кунакларның күңелен күтәрде. Тукайлыларга тәкъдим ителгән авиошоу да күңелгә хуш килде. «Тукайлылар көткәннән дә уздырды», – дип белдерде район Сабантуенда катнашкан кунак, Яр Чаллы шәһәре мэры Наил Мәһдиев. «Чаллы халкын һәм кунакларны нәрсә белән шаккатырырга хәзер? Нәрсә, безгә хәзер ракета җибәрергәмени?!» – дип шаяртты мэр.
Исегезгә төшерәбез, Яр Чаллыда Сабантуй якшәмбе көнне – 16 июньдә узачак. Быел милли бәйрәм үткәрелә торган мәйданда капиталь ремонт та ясалган.