Президентның еллык Юлламасы

admin, 25 сентябрь 2020 - 09:45

742

Татарстан Президенты Рөстәм Миңнеханов ТР Дәүләт Советына һәм республика халкына еллык Юллама белән мөрәҗәгать итте. Ул анда киләсе елга эшчәнлек юнәлешләрен билгеләде. Рөстәм Миңнеханов 2021 елны туган телләр һәм халыклар бердәмлеге елы дип игълан итте.

Әлеге мөһим чарада тукайлылар да катнашты. Район башлыгы Фаил Камаев житәкчелегендәге делегация составында район башкарма комитеты җитәкчесе вазифаларын башкаручы Айрат Хәбибуллин, район фермерлар ассоциациясе җитәкчесе Минталип Миңнеханов, Борды авыл җирлеге башлыгы Роза Әбделмәнова бар иде. Татарстан Президенты еллык Юллама белән унберенче тапкыр мөрәҗәгать итә.