Орлык җитәрлек

Бу турыда атналык киңәшмәдә Россельхозцентрның район филиалы башлыгы Назим Сәләхетдинов хәбәр итте. Болар – язгы бодай, тары, солы, борчак, язгы вика орлыклары. Быел районда чәчүлек территорияләрнең мәйданы артты, яңа участоклар барлыкка килде. Орлык алар өчен дә җитәрлек. Бездә «Кама» агрофирмасы, «Гигант», «Ирек», «Чаллы яшелчәсе» һәм Сәйдәшев исемендәге предприятиеләр – орлыкчылык белән шөгыльләнүчеләр. Теләгән хуҗалыкларга алардан чәчүлек орлык сатып алырга була, диде белгеч.