Мөһим очрашу үтте

Тукай районы прокуроры Руслан Галиев район мәгариф идарәсе җитәкчелеге һәм мәктәп директорлары белән очрашты. Очрашуда шулай ук балигъ булмаганнар эше буенча комиссия рәисе, район Башкарма комитеты җитәкчесенең социаль мәсьәләләр буенча урынбасары Юрий Васильев катнашты. 

Киңәшмәдә мәгариф өлкәсендәге актуаль мәсьәләләр, шулай ук балигъ булмаганнар эшләре буенча комиссия эше турында фикер алыштылар. Мондый диалоглар мөһим бурычларны оператив хәл итәргә һәм ведомстволар арасындагы хезмәттәшлекне яхшыртырга ярдәм итә.