Модульле ФАПлар төзелә

admin, 28 июль 2021 - 10:11

619

Быел районда модульле ике фельдшер-акушерлык пункты сафка басачак. Беренче объект – Кече Шилнә авыл җирлегендә. ФАП сәламәтлек саклауның беренчел звеносын модернизацияләүнең региональ программасы нигезендә төзелә. Биредә төзелеш эшләре инде бара, хәзерге вакытта булачак ФАПның стена панельләрен җыю тәмамланган. Төзелеш эшләре 40 процентка башкарылган.

Икенче объект шушы көннәрдә Новотроицкое авыл җирлегендә төзелә башлады. Төзелеш, Кече Шилнәдәге кебек үк, 5,3 млн сумга төшә. Ул «Татарстан Республикасында беренчел медик-санитар ярдәм күрсәтүне камилләштерү» программасын гамәлгә ашыру кысаларында башкарыла. Обектны декабрь аенда файдалануга тапшыру максаты куела.