Мәчеттә матур мәҗлес

Анда Тукай һәм Минзәлә районнарының уннан артык авылларыннан килгән кунаклар катнашты. Кичәдә ислам динендә тәрбия, итагатьлек, әдәп турында сөйләштеләр. Коръән Кәрим аятләре буенча викторина уздырылды. Татар халкының милли ашлары, киемнәре, милли бизәкләрен куллану турында да чарага килгән абыстайларыбыз чыгышлар тыңладылар. Мөнәҗәтләр әйттеләр. Соңыннан үзләре пешереп алып килгән ризыклар белән чәй өстәле янында сыйландылар. Һәр катнашучыга дини эчтәлекле китап бүләк итеп бирелде.

Тамара Тузиева, Князево авылы

Автор фотосы