Корбан бәйрәме ял көне булачак

admin, 27 июнь 2022 - 15:23

342

Татарстан Республикасы Хезмәт, халыкны эш белән тәэмин итү һәм социаль яклау министрлыгы предприятие һәм оешма хезмәткәрләренең күп санлы мөрәҗәгатенә җавап итеп хәбәр итә.

Татарстан Республикасы Президентының «2022 нче елда Ураза һәм Корбан бәйрәмен үткәрү көннәрен билгеләү турында» 9 нчы апрель, 256 нчы номерлы Указы нигезендә, 9 нчы июль – Корбан бәйрәмен үткәрү көне – эшләми торган бәйрәм көн булачак.
Шул ук вакытта «Татарстан Республикасының бәйрәм көннәре һәм истәлекле даталары турында» 19.02.1992 ел, № 1448-XII Татарстан Республикасы Законының 1 статьясының 5 бүлеге нигезендә ял һәм бәйрәм көннәре туры килгән очракта өстәмә ял көне бирелми.
Россия Федерациясе Хезмәт Кодексының 95 статьясының 1 бүлеге нигезендә эш көне яки эшләми торган бәйрәм көненә кадәрге сменаның озынлыгы бер сәгатькә киметелә.
Шулай итеп, 2022 елда 8 июльдә эш көне озынлыгы бер сәгатькә кыскара.