Килешә дә яулыгым - таҗы бит ул ханымның

Тарих битләре дә актарылды, сандыкларда сакланган кием-күлмәкләр дә кузгатылды, шигьри юллар эзләп китаплар да актарылды, Корьән – хәдисләр дә өйрәнелде. Балалар бакчасы- мәктәпләрдә, китапханәләрдә очрашулар, әңгәмәләр узды. Бу теманы кем ничек ача ала, шулай итеп ачык дәресләрдә                    авыл мәчетләрендә берсеннән берсе кызыклы чаралар узды. Сосновый Бор бистәсе мәчетендә “Яулыгым тарихы”, “Әбием яулыгы турында сөйләшәбез”, Кече Шилнә мәчетендә “Зәвык белән киенгән кеше- ямьле кеше”, Әҗмәкәйдә “ Күңелем сандыгы”,  Бикләндә  “ Әбием сандыгы”, дип аталган чаралар бик әзерлекле үтте. Мөгаллимәләр Ләйсән Ш., Гелүсә А., Диләрә К., Гөлнур С.,Әнисә А. үзләренең укучылары белән тирән эчтәлекле дәресләр бирделәр.