Якты юл
  • Рус Тат
  • Хезмәт Героеннан хезмәткә бәя

    Якташыбыз, Социалистик Хезмәт Герое исеменә лаек булган атаклы төзүче, хезмәт ветераны Нигъмәтулла абый Абдуллинның 23 майда туган көне иде. Бераз соңгарак калып булса да, без аны гомер бәйрәме белән котлыйбыз, сәламәтлек, бәрәкәтле озын гомер телибез.

    Кызыл Байракта яшәүче Нигъмәтулла ага безнең редакция белән элемтәгә керде. Тормышларының тигез-матур дәвам итүе турында хәбәр итеп сөендерде. Әмма редакциягә аның үзе турында сөйләү өчен түгел, ә хезмәтләрен намус белән башкаручы ир-егетләргә рәхмәт әйтәсе килеп шалтыратуы икән. «Туган көнемдә өебездә ут бетте. Тукай районы электр челтәрләре предприятиесе хезмәткәрләре бу кимчелекне тиз арада төзәттеләр. Зөлфәт Нуриевка, Рамис Нуриевка, машина йөртүче Азат Зарифуллинга рәхмәт, аларның хезмәте туган көнемә бүләк кебек булды. Алар үзләренә йөкләнгән эшне – кулланучыларны электр уты белән ышанычлы һәм сыйфатлы тәэмин итү бурычын лаеклы үти», – диде хезмәт герое. 

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: