Кайбыч районындагы фаҗига

admin, 5 июль 2019 - 11:15

1081

Кайбыч районының бер агрофирмасы территориясендә сөт саклау һәм суыту резервуарында 51 яшьлек эшченең мәете табылган.

Бүген әлеге факт буенча тикшерү үткәрелә. Бу хакта Татарстан Республикасы буенча Тикшерү идарәсе җитәкчесенең өлкән ярдәмчесе хәбәр итә. Башлангыч мәгълүматлар буенча, агрофирма каравылчысы эшчедән аны берникадәр вакытка алыштыруын сорап тора. Ул арада эшче цистернадан сөт алырга ниятли. Сөтне алганда ул 2 метрга якын тирәнлектәге сыеклык эченә егылып төшә. Тикшерү нәтиҗәләре буенча процессуаль карар кабул ителәчәк.