Кавышулар, аерылулар – бу кеше язмышлары

Тарихка мөрәҗәгать и т с ә к , О к т я б р ь революциясеннән соң документларны рәсмиләштерү белән шөгыльләнгән беренче орган НКВД каршындагы бүлек була. Ә узган гасырның утызынчы елларында ЗАГС хезмәткәрләре хәтта гражданнарның үлем урынына барып, фактны теркәгән һәм кәгазьләрне рәсмиләштергән. 2017 елда бердәм дәүләт реестрын кертүне мөһим вакыйга дип атарга мөмкин. Ике ел дәвамында белгечләр цифрлаштыру – язмалар архивы форматын электрон вариантка күчерү эшләрен башкардылар. Бу эш үз нәтиҗәләрен китердебөтен Россия буенча бердәм актлар язмалары базасы булдырылды.

– 2022 елның 1 гыйнварыннан гражданин кайда булуына карамастан, тууын теркәү, аерылышу, уллыкка алу, исем үзгәрү һәм үлем өчен теләсә кайсы ЗАГС органына мөрәҗәгать итә ала. Законда башка юридик әһәмияткә ия гамәлләр өчен дә читтән торып эшләү каралган. Хәзер теләсә кайсы ЗАГСта белешмәләр һәм кабат таныклыклар алып, актлар язмасына үзгәрешләр һәм төзәтмәләр кертергә, аларны яңадан торгызырга һәм юкка чыгарырга мөмкин булачак,  диде Тукай районы Башкарма комитетының ЗАГС бүлеге җитәкчесе Эльвира Мостафина.  

-  Менә шушы көннәрдә безнең бүлеккә Владивостокта яшәүче бер ханым мөрәҗәгать итте, аңа мирасны рәсмиләштерү өчен туу турында таныклык кирәк иде. 15 минут эчендә без кирәкле документны бирә алдык. Элегрәк моңа ике айга кадәр вакыт киткән булыр иде,  дип мисал китерде Эльвира Ринатовна.  

- Әлбәттә, бүлекнең мәшәкатьлелеге быел берничә мәртәбә артты, сәбәбе шул исәптән шәһәр чикләрендә урнашу. Безнең кечкенә генә бүлек эш күләмен башкара, аны Алабуга, Яшел Үзән кебек шәһәрләр белән чагыштырып була. Без куелган бурычларны лаеклы төстә үтибез дип саныйм. Юбилярларга игътибар итәргә тырышабыз, алар үсеп килүче буынга үрнәк булып торалар.

Юбилей датасында барлык коллегаларны да бәйрәм белән котлыйсы килә. Баш белгеч вазифасында тырышлыгы һәм җаваплылыгы белән аерып торучы Энҗе Хафизова озак еллар эшли, әле күптән түгел генә иң яшь хезмәткәрне эшкә кабул иттек, Альбина Хөсәенова бездә эшли башлады. Без бүген Тукай районы ЗАГС  бүлегенең башында торучыларны җылы сүзләр белән искә алабыз. Алар арасындабезнең хезмәт ветераны Гайшә Фазылова, өч дистә елдан артык бүлекне җитәкләгән Бәткедән Валентина Смирнова, Теләнче – Тамактан Гөлнур Камалова, Әҗмәкәйдән Кадрия Госманова,  дип билгеләп үтте бүлек җитәкчесе.

Юбилей датасы турындагы менә дигән яңалыклар турында да белдек. Эльвира Мостафина республикада иң яхшы никах тантанасын алып баручы дип танылды. Бүләкне ведомствоның чираттагы коллегиясендә тапшырачаклар.

Эльвира Мостафина, Тукай районы Башкарма комитетының ЗАГС бүлеге җитәкчесе:

- Эшкә институтны тәмамлагач ук килдем. Мин үз эшемне бик яратам. Ул күпкырлы, мин юрист та, психолог та, хәтта рәссам да. Безнең бүлектә һәр кешенең тормышында язмышларындагы мөһим вакыйгалар рәсмиләштерелә. Клиентлар белән бергә без сабыйларның тууына, яңа гаиләләр барлыкка килүгә шатланабыз, никахлар таркалганда ихлас күңелдән кайгырабыз.

Мине аеруча гасыр проблемасы – аерылышулар борчый. Яңа өйләнешүчеләр кайчандыр бәхеттән балкып, никахны теркәү китабына үз имзаларын куйганнар, бүген исә берберсенә бөтенләй ят кешеләр кебек кыланалар. Аерылышуларның сәбәбе нәрсәдә, гашыйкларга яшәргә кем комачаулый, тормыш шартлары, әллә өченче затлар, аерылышуларның инициаторы булалармы? Соңрак аларның тормышлары ничек дәвам итә, кешеләр кабат никахта бәхет табалармы? Бу һәм башка сорауларга мин үз эшемдә җавап табарга тырышам. Бу хезмәтләрнең бер өлеше махсус  ЗАГС журналында басылып чыга.

Минем гаиләмгә килгәндә, ире зур ярдәмчем. Ул өй эшен хатынкызлар һәм иратларныкына аермый. Иртәрәк эштән кайтып җитсә, кичке аш әзерли ала.

Руслан белән без педагогия институтында укыганда очраштык, 10 елга якын дус идек. Мин сөйкемле егетне дус кызларым белән таныштырырга тырыштым, ул миңа гашыйк, дип уйламадым да. 2000 елда өйләнештек. Безнең ике кызыбыз Камилә һәм Мәликә бар. Өлкәне юрист булырга югары белем ала, ә Мәликә унберенче сыйныфта укый, психолог булырга хыяллана.

Ирем яхшы тәрбияле, кешеләргә карата ихтирамлы мөнәсәбәте белән аерылып тора. Безнең өчен аның әтиәнисе Марс һәм Дания Мостафиннар үрнәк булып тора, алар киләсе елда бриллиант туйларын билгеләп үтәчәкләр.

Энҗе Хафизова, бүлекнең баш белгече:

Бүлектә 2013 елдан бирле эшлим. Быел мин Чулман аръягы хезмәткәрләре арасында «Исем кушу йоласы» номинациясендә иң яхшы регистратор буларак конкурста өченче урын алдым. Бу минем өчен зур шатлык.

Эльвира Ринатовна – таләпчән җитәкче, ул, барыннан да элек, клиентларга игътибарлы булуга басым ясый. Шуңа күрә белүләренә гаҗәпләнмим, бер көнне безнең бүлеккә килгән кешеләр ерактан ачык йөз белән мөрәҗәгать итәләр. Элекке елларда әбиләрне чәй белән сыйлаганнар. Ләкин быел, әлбәттә, килүчеләр күп. Чиратлар булмасын өчен барысын да эшлибез, кешеләр кирәкле документларны тиз арада рәсмиләштерә алалар.

Ирем Фәнис белән без инде 32 ел яшибез. Күп бәлаказалар безнең өлешебезгә туры килде, ләкин без тормыш сынауларын чыдам булып чыктык. Әмир улыма 12 яшь, чаңгы белән җитди кызыксына. Ә гаилә бәхетенең сере, дип юл кую, авырлыкларга бирешмәү, бербереңә ярдәм итүне саныйм. Кешене үзгәртергә тырышмаска кирәк, аны булганча кабул ит. Кайвакыт теләкләрегезне читкә этәрергә кирәк, бу аеруча хатынкызларга кагыла. Без озак танышып йөрдекме? Юк. Бездә барысы да әкияттәге кебек иде. Беренче күрүдә гашыйк булдым. Туй турында карар кабул итәр өчен, безгә бер очрашу җитте.