Кавын үстерү серләре

admin, 25 июль 2021 - 09:30

704

«Ел да үстерәм кавынны. Кечкенә булса да шундый тәмле, баллы була. Орлыкны көз көне ясыйм. Яз көне теплицага утыртып шунда устерәм. Сортын гына төгәл әйтә алмыйм инде хәзер. Берничә ел элек үстерә башлаган идем. Көздән бер өлгергән кавынның орлыкларын алып киптереп куям, язлыкта теплицага утыртам», - дип хәбәр итә Иске Абдул авылыннан Айгөл Сәетова.

Кавын үстерүе бер дә авыр түгел, бары көн дә су сибәргә кирәк икән. Шулай да ашлама кертү дә комачауламас. «4-5 яфрак чыккач ашлама ясап сибәм. Аны үзем ясыйм: 100 литр суга 10 литр сөт (сипараттан чыгарылган), 1 чиләк сыер тизәге, 20-30 тамчы йод салып 3-4 көн тоткач сибәм. Помидор, кыяр, виктория җиләгенә дә шуны сибәм», - дип бүлеште райондашыбыз.