Калмия дә бәйрәмгә әзерләнә

– Ел саен Яңа ел бәйрәменә чыршы яки нарат бүләк итегез әле дип, авыл халкына мөрәҗәгать итәбез. Шөкер, кире какканнары юк, өченче ел Флүрә апа Корбанова, узган ел Рәмзия апа Нуруллина, ә быел менә Фәридә апа Әдиятова үз ихатасыннан чыршысын бирде, – дип сөйли Калмия авылының мәдәният йорты директоры Ләйсирә Сәхипҗанова. 
Мәдәният хезмәткәрләре бәйрәм алиһәсен бизи, кар сыннарын ясый. «Чыршы тирәсендә эт, кабан, Кыш бабай, Кар кызы сыннары булачак. Шулай ук балалар өчен бүген тау ясарга исәп», – ди калмиялеләр.

Фотоны Ләйсирә Сәхипҗанова бирде.