Юбилее белән котлап

Биклән авылында яшәүче Маһинур Гуссам кызы Ханипова 95 яшьлек юбилеен билгеләп үтә. 

Юбилярны котларга башкарма комитет җитәкчесенең социаль сораулар буенча урынбасары Юрий Васильев һәм район ветераннар һәм инвалидлар советы рәисе Фәйрүзә Вәҗиева килде. 
Алар юбилярны җылы котлап район җитәкчелеге исеменнән бүләк һәм РФ Президенты Владимир Путиннан хат тапшырдылар. 

Маһинур Гуссамовнаны шушы күркәм юбилее белән котлыйбыз! Аңа нык сәламәтлек, күңел күтәренкелеге, якыннарының җылысын һәм мәхәббәтен телибез. Сезнең һәр көнегез шатлык һәм изге мизгелләр белән тулы булсын!