Инвалидлар һәм картлар йортында бәйрәм

Круглое Поле мәдәният йортының " Туган як моңнары” коллективы  якынлашып килүче бәйрәм – Халыкара инвалидлар көне белән котларга бирегә килде

Социаль учреждение фойесына биредә тәрбияләнүчеләр җыелды. Башта алар Круглое Поле бистәсендә яшәүчеләр кулы белән ясалган эшләнмәләр күргәзмәсен карадылар, аннары залда үз урыннарын алдылар.
Билгеле булганча, хәзерге вакытта Теләнче-Тамак авылындагы Интернат-йортта 55 кеше яши, шуларның өчесе – ятып яткан авырулар. Үзешчән артистлар татар, рус, мари телләрендә җырлар җырладылар, дәртле биюләр, көлке күренешләр башкардылар. Район ветераннар һәм инвалидлар җәмгыяте активисты, Ташкичү авылыннан пенсионер Әлфия Галимова әнисенең шигырьләрен яттан сөйләде.

Приютта яшәүче Елизавета Марухненко үзенең хезмәт  юлын КАМАЗ заводында үткән, туган предприятиесе турында шигырьләр ишеткәч, Әлфия ханымга ихлас рәхмәтен җиткерде.

«Яшьлеккә әйләнеп кайткан кебек булдык. Күңелгә рәхәт һәм шатлык булды», - диде Елизавета Ивановна.
Приют кунакларына Мәүлидә Арсланова да кушылды, ул үз әсәрен сөйләде. Тантаналы чараны хупларга авыл ветераннары һәм инвалидларының башлангыч оешмасы рәисе Азатнур Ишморатов килде. Кунаклар адресына җылы теләкләрен җиткереп, ул гармунны кулына алды һәм завод көйләрен уйнады. Интернат - йортта яшәүчеләр аның беренче аккордларын ишетү белән бии башладылар. 
Менә шундый күңелле һәм дулкынландыргыч бәйрәм Теләнче-Тамакта үтте. Чара ахырында өлкәннәр һәм инвалидлар өчен интернат-йорт директоры Илфак Мөхәммәтов чараны оештырган өчен район ветераннар һәм инвалидлар советы рәисе Фәйрүз Вәҗиевага рәхмәт белдерде, “Туган як моңнары” фольклор коллективына, концертта катнашучыларның барысына да рәхмәт белдерде.
Аннары барлык тәрбиләнүчеләрне  кунаклар алып килгән ризыклардан авыз итәргә чакырдылар.
Фото район инвалидлар һәм ветераннар оешмасыннан алынды