Ифтар ашлары – рамазан ае күрке

Мәҗлестә район Башкарма комитеты җитәкчелеге, авыл җирлекләре башлыклары һәм
хөрмәтле дин әһелләре катнашты. Җыелучыларны сәламләп, район Башлыгы
ураза аеның рухи чистарыну ае булуын билгеләде:
- Ураза аенда без сынау аша узып, җаннарыбызны пакьлибез, дингә һәм
Коръәнгә якынаябыз,  саваплы гамәлләр кылабыз. Барыгызныӊ да тоткан
уразаларыгыз кабул булсын, һәммәгезгә сәламәтлек, иминлек, күӊел
тынычлыгы телим, – диде җитәкче.
Имам-мөхтәсибнеӊ үтемле вәгазеннән, Коръән аятьләреннән соӊ, ифтар
кунаклары илебезгә иминлек, бәрәкәт, тыныч тормыш сорап дога кылдылар.
Соӊыннан мөселманнар авыз ачтылар һәм намазга бастылар.