Иң оста машина йөртүчеләр
17 сентябрьдә өлкән яшьтәге хатын-кызлар һәм ир-атлар машина йөртү осталыкларын сынады. Чара якынлашып килүче өлкәннәр көне кысаларында уздырылды. Ярышлар Яр Чаллының ЗЯБ бистәсендә Низаметдинов урамы, 26 йорт янында – ДОСААФ территориясендә үткәрелде.
Автомобильне ашыкмыйча, тәртипле итеп алып бару – өлкән яшьтәге машина йөртүчеләрне юлда үрнәк итеп куя. Конкурсның төп максаты да өлкән яшьтәгеләрдә юл хәрәкәте куркынычсызлыгын тәэмин итү иде.
Әлеге үзенчәлекле бәйгедә 60 яшькә җиткән ир-атлар һәм 55 яшькә җиткән хатын-кызлар катнашты. Конкурс ике этаптан торды: юл йөрү кагыйдәләрен теориядә белү, машинаны фигуралы йөртү.
Тукай районын яклап бәйгедә катнашучы хатын-кызлар арасында беренче урынны Новотроицкоедан Венера Әхтәмова, икенче урынны Иске Җирекле авылыннан Нина Адылева алды. Ир-атлар арасында иң остасы Чаллыдан Виталий Шведько булды. Икенче урын Түбән Суыксудан Дилшат Фазуллинга бирелде.
Следите за самым важным и интересным в Telegram-каналеТатмедиа
Нет комментариев