«Гигант» үрнәк күрсәтә

admin, 25 ноябрь 2020 - 10:10

902

«Гигант» ҖЧҖдә хуҗалык җитәкчеләренең чираттагы семинар-киңәшмәсе үтте.

Анда район башлыгы Фаил Камаев катнашты. Җитәкчеләр һәм белгечләр яңа файдалануга тапшырылган терлек азыгы әзерләү үзәгендә булдылар, эш барышын күзәттеләр. Катнашмалар туглана торган савытка башта печән салына һәм 7-10 минут ваклана. Шуңа силос, сенаж, комбикорм, тоз өстәлә. Барысы вак итеп туралып болгатылганнан соң, әзер масса тракторларга бушатыла һәм терлекләргә озатыла.
Семинарда катнашучылар хуҗалыкта орлык әзерләүнең барышы белән таныштылар, реконструкцияләнгән терлек фермаларын карадылар, республика программасы буенча салына торган йортларның төзелеше белән таныштылар.