«Гигант» ҖЧҖ директоры Риф Имамовның Яңа ел белән котлауы

Бик тиздән, 2020 ел җитүен хәбәр итеп, Яңа ел сәгате сугачак. Һәм без тарихыбызның тагын бер битен ябып, яңа сәхифәсен ачачакбыз.
Узып баручы елны озатканда хәтердә уелып калган иң якты, иң шатлыклы вакыйгаларны искә алабыз. Районыбыз елдан-ел үзгәрә: яшәү өчен шартлар уңайлана, социаль өлкә һәм инфраструктура үсә, безнең авыл хуҗалыгы тармагы да көннән-көн яңа технологияләр белән баетыла, басуларда заманча техника эшли, терлекчелек фермаларында заманча жиһазлар кулланыла. Боларның барысына да уртак тырышлыгыбыз нәтиҗәсендә ирешәбез. 
Кадерле райондашлар! Якынлашып килүче 2020 ел һәркем өчен матур үзгәрешләр чоры булсын, һәр гаиләгә сәламәтлек, тынычлык, татулык, шатлык алып килсен! 
Ихтирам белән «Гигант» ҖЧҖ директоры Риф Имамов.