Әфганчылар көне

admin, 13 февраль 2021 - 09:25

625

15 февральдә совет гаскәрләренең әфган иленнән чыгарылуына 32 ел тула.

Бу уңайдан хәрби бурычларын Әфганстанда үтәгән якташларыбыз истәлегенә һәм хөрмәтенә төрле чаралар оештырыла. 13 февраль көнне Биклән авылында хәрби бурычын Әфганстанда үтәп кайткан, күптән түгел генә арабыздан киткән райондашыбыз Йолдыз Габдрахмановка истәлек тактасы ачыла.
15 февральдә Иске Абдул мәдәният йортында истәлекле датага багышланган чара оештырыла. Анда катнашучылар «Гиндукуш» музеенда булып, әфганчыларга багышланган экспонатлар һәм мәгълүматлар белән тагын бер кат таныша алачак, митинг үтәчәк, чарада катнашучылар өчен концерт программасы да тәкъдим ителә.