Якты юл
  • Рус Тат
  • Электрон юл белән сайлыйбыз

    Бәтке мәктәбе бинасында урнашкан 2628нче сайлау участогында электрон тавыш бирү өчен комплекслар урнаштырылган. Тавыш бирүчеләрне комплекс белән эшләргә 8 волонтер өйрәтә. Алар 3 сәгать саен алмашынып торалар.

    Көндезге сәгать 12гә биредә 593 бәткеле электрон юл белән үз тавышын бирде. Яшь буын тавыш бирүнең әлеге юлын аеруча кулай күрә.

    – Комплекс файдалануда бик уңайлы – бар да гади тел белән язылган. Тавыш бирү өчен бары тик өч баскыч кына үтәргә кирәк. Шулай ук тавыш бирү процессы оперативрак бара һәм үтә күренмәле, – ди Руслан Сахапов. – Җәмгыятьтә яшәп тә, анда барган вакыйгаларга битараф калырга ярамый. Сайлаулардан соң без тагын да уңай якка үзгәрешләр көтәбез. Әйтик, күпфатирлы йортлар территориясендә «Безнең ишегалды» республика программасы эшли башлады. Бу программаның җиренә җиткереп эшләве дә иң лаеклыларны сайлавыбыздан тора, – ди яшь егет өстәп. 

    Эльвира Абдуллина фотосы.

    Нравится
    Поделиться:
    Реклама
    Комментарии (0)
    Осталось символов: