Дачаны торак йорт дип тану процедурасын гадиләштерәчәкләр

Россиядә дачаны торак йорт дип тану процедурасын гадиләштерәчәкләр. РФ Икътисади үсеш министрлыгы Төзелеш һәм торак-коммуналь хуҗалыгы министрлыгының әлеге башлангычын хуплаган. Бу хакта «Известия» газетасы Икътисади үсеш министрлыгы вәкиле Алексей Бутовецкийга таянып хәбәр итә.

Хәзерге вакытта дачаны даими яшәү өчен яраклы йорт дип тану өчен суд карары, ә кайбер очракларда махсус комиссия бәяләмәсе кирәк.

Яңа тәртип документларны дәүләт органнарына күпфункцияле үзәк аша тапшырырга мөмкинлек бирәчәк. Җавап 45 тәүлектән соң килергә тиеш.

РФ Иҗтимагый палатасының торак-коммуналь хуҗалык, төзелеш һәм юллар комиссиясе рәисе Игорь Шпектор фикеренчә, бу Россия Президенты Владимир Путин тарафыннан куелган бурычны (ел саен 120 миллион квадрат метр торак сафка бастыру) хәл итәргә мөмкинлек бирәчәк.