Бәйрәмнәр белән, хөрмәтле райондашлар!

Барыгызны да Халыклар бердәмлеге көне һәм Татарстан Республикасы Конституциясе кабул ителү көне белән ихлас күңелемнән котлыйм. 
Халыклар бердәмлеге гомер-гомергә Россиянең төп милли көче булды. Халыклар, мәдәниятләр, диннәр бердәмлеге – җиребездә тынычлык һәм татулык нигезе ул. Бүген районыбызда күпләгән милләт вәкиле татулыкта гомер итә, кулга-кул тотынып район үсешенә өлеш кертә. 
Конституциябез исә бердәмлек, теләктәшлек, хезмәттәшлекнең какшамас гаранты, күпмилләтле халкыбыз сайлап алган принципиаль сәяси юлны билгеләгән төп канун.
Татарстанның һәм Россиянең бүген-гесе һәм киләчәге турында кайгыртучанлык күрсәтеп, районыбыз халкы төрле социаль-сәяси процессларда актив катнаша. Бу безнең сәяси тормышыбызда тотрыклылыкны саклый. 
Илебез тарихында зур әһәмияткә ия булган әлеге бәйрәмнәр белән ихлас күңелдән тәбрик итәм. Һәрберегезнең хокуклары яклануын һәм канун белән ныгытылган бурычларыгызны үтәп яшәвегезне, сау-сәламәт һәм шат күңелле булуыгызны телим. Гаиләләрегез имин, илгә-көннәр тыныч, тормыш бәрәкәтле булсын.

Район башлыгы Фаил Камаев.