Безнекеләр җиңеп кайттылар

Сарман районы Шәрләрәмә авылында шайбалы хоккей буенча мавыктыргыч турнир узды, ул Тукай муниципаль районының мактаулы гр аж даны Равил Миңнехуҗин кубогына багышланды. Бу ярышларда дүрт команда катнашты, алар искиткеч осталык һәм уенга һәвәслек күрсәттеләр.

Тик бер команда гына турнир җиңүчесе исемен яулый алдыТукай районы Мәләкәс авылыннан «Сокол» командасы. Аларның осталыгы, көче һәм бердәмлеге җиңү яуларга мөмкинлек биргән. Ләкин хуҗалар командасы да, читтә калмыйча, искиткеч уен күрсәтте һәм лаеклы икенче урынны алды.

Өченче урынны Саманның Мортыштамак авыл җирлеге командасы Петровка авыл җирлегеннән көндәшләрен җиңеп яулады. Бу матч ике команда өчен дә чын сынау булды, әмма Мортыштамак авыл җирлеге командасы барлык авырлыкларны җиңеп лаеклы урынны алды.

Турнирның җиңүчеләрен һәм призерларын район башлыгы Фәрит Хөснуллин бүләкләде, ул аларга медальләр, кыйммәтле призлар һәм, әлбәттә, кубок тапшырды.

«Сокол» командасын искиткеч җиңүе белән котлыйбыз! Сезнең осталыгыгыз һәм уенга булган мавыгуыгыз барлык тамашачыларны һәм көндәшләрне шаккатырды. Киләчәктә сезне тагын да зуррак казанышлар көтәр, дип ышанабыз.