Без тарихта эзлебез

Шушы көн уңаеннан туган як тарихын өйрәнү музеенда сугыш һәм аннан соңгы авыр елларда комсомол әгъзасы булган , аның таркалуының да шаһиты булган ветераннар белән очрашу үткәрелде.  Элекке комсомоллар,  комсомол хәрәкәтендә актив катнашучылар буларак, үз хатирәләре белән уртаклаштылар.Комсомол оешмасы, комсомоллар турында шактый бай чыгыш та һәрберебездә кызыксыну уятты. Яшь буын комсомол оешмасының сугыш чорындагы ролен, нинди бүләкләргә лаек булуын белдек, комсомол җырларын тыңладык. Әлеге уңайдан күргәзмә дә оештырылган иде.  Алар турында фоторәсемнәр, большевистик лозунглар, комсомол символлары: ВЛКСМ байрагы, пионер байрагы, комсомол билеты, күкрәк билгесе бүләкләре, "Комсомольская правда" газетасы, "Комсомольская жизнь" журналлары куелды, кыскасы, ил тарихының бер чоры чагылдырылды. Китаплардан укып белү бер нәрсә, ә менә ил тарихы вакыйгалары шаһиты булган кешеләр авызыннан яңгыраган хатирәләр безне битараф калдырмады.

Калмия китапханэсе модире Галиахметова Энже Рафик кызы