Якты юл
  • Рус Тат
  • Бер үк төрле рецепт белән кыяр һәм помидор тозлау ЫСУЛЫ

    Игредиентлар 1 литр банка өчен исәпләнгән. Банкалар зуррак икән, ингредиентларны икеләтә, өчләтә арттырабыз, дигән сүз.

    1 аш кашыгы тоз

    2 аш кашыгы шикәр комы

    1 укроп зонтигы

    1 дәфнә яфрагы

    2 сарымсак теше

    2 канәфер

    2 түгәрәк борыч

    2 аш кашыгы аш серкәсе (9 процентлы)

    Кыярларны юып, очларын кисәбез (помидорларны бөтен килеш) һәм салкын суга салып куябыз. Банкаларны стерильләштереп, кыярларны (помидорларны) тутырабыз. Өсләренә кайнап торган су агызып, берничә минут тотабыз. Суына төшкән суны кәстрүлгә бушатып, утка куябыз. Һәр банкага барлык ингредиентларны салып чыгабыз. Су кайнап чыккач, янә кыярлы (помидорлы) банкаларга агызабыз. Тимер капкач белән борып ябып, өстен җылы әйбер белән бер тәүлеккә каплап куябыз.

    Бу рецепт белән тозланган кыяр-помидорлар искиткеч тәмле килеп чыга.

     

    Фото: pixabay.com

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: