Барыбыз да өмәгә

Ул районда яшәүчеләрне, җәмәгать оешмаларын, хезмәт коллективларын, ветераннарны, мәктәп укучыларын генераль җыештыруда катнашырга чакырды. Район башлыгы аерым йорт тирәләренең ямьсез һәм ташландык хәлдә булуына борчылуын белдерде: үләннәр чабылмаган, чүп-чар ауный, коймалары пычрак… Кая аларның хужалары, ни өчен бу тәртипсезлеккә юл куялар? Андыйларга карата административ-техник комиссия җәлеп итәргә кирәклеге искәртелде. «Без цивилизацияле җәмгыятьтә яшибез. Рәхим итеп, тәртип-кагыйдәләрне үтик», – диде Фаил Камаев. Районның матбугат үзәге хезмәтенә һәм «Якты юл» газетасы коллективына газетада һәм социаль челтәрләрдә бу эшнең барышын яктыртып барырга йөкләде.
Санитар-экология икеайлыгы кысаларында шулай ук агач утырту да дәвам итәчәк. Администрация коллективы Подсолнухи поселогында агач утыртуда катнашачак. Яшелләндерү эшләре алдан кабул ителгән исемлек һәм проектлар буенча башкарыла.