Баланы вакытында сөннәткә утыртмасаң, ни була?

ИА ТАТАР-ИНФОРМ, 24 декабрь 2020 - 09:42

1263

Пәйгамбәребез Мөхәммәд салләллаһу галәйһи вә сәлләм: "Кеше үзенең табигате буенча биш төрле гамәлгә мохтаҗ: сөннәтле булырга, тырнак кисәргә, култык асты һәм касык йоннарыннан арынырга, мыегын кыскартырга", – дип әйткән.

Баланы вакытында сөннәткә утыртмасаң, ни була?

Сөннәткә утыртуның нигезендә - сәламәтлек. Баланы кайчан сөннәткә утыртырга? Ир баланы үз акылында булган, өлгергәнлек яшенә җиткәнче сөннәткә утыртырга кирәк. Бу мөкәлләф яше дип атала. Ләкин соңрак сөннәткә утырту да тыелмаган, дип яза "Дин вә мәгыйшәт".

Ни өчен сөннәткә утырту белән сузарга ярамый? Моны Ислам гына түгел, медицина да куша. Сөннәткә иртә утыртсалар, җенси органнарда рак авыруы килеп чыкмый. Сидек юлларында инфекция барлыкка килү очрагы 11 тапкыр кими. Моны Американың хәрби госпиталь табиблары ачыклаган.

Тикшеренүләр күрсәткәнчә, ирләрнең дә, хатын-кызларның да җенси органнары авырулары еш кына ир кешенең җенси әгъзасының читендә булган ит кисәгенә төрле инфекция (бактериологик, стафилококк, гонорея һ.б.) эләгүдән килеп чыга.