Балаларның күңелләре булды

Китапханә мөдире Фәния Мөхәммәдиева балаларга китап укуның әһәмияте, мавыктыргыч, зәвык белән эшләнгән китаплар турында сөйләде. Моннан тыш, хәзерге заман татар балалар язучылары һәм аларның әсәрләре турында презентация, Асия Юнысованың «Алкалы чәчәкләр» китабына буктрейлер күрсәтелде. Балалар, үз чиратында, татар шагыйрьләренең кызыклы шигырьләрен сөйләделәр, уеннарда да актив катнаштылар. 
«Балаларга – яхшының да яхшысы» китап күргәзмәсе белән танышканнан соң, Сөмбел Гаффарованың «Чынга ашачак хыял» әкияте буенча сәяхәт оештырылды. Чара ахырында китап тасмасы ясау буенча мастер-класс үткәрелде. Балалар бу очрашудан бик канәгать калдылар. Чөнки ул бик тә кызыклы һәм файдалы үтте. Шуны әйтергә кирәк, балалар өчен хәзерге заман татар язучылары китаплары якты, төсле буяулар белән эшләнеп, сабыйларны сихри дөньяга алып кереп китәләр. Менә шундый матур һәм эчтәлекле китапларны балалар, әлбәттә, белергә, күрергә һәм укырга омтылырга тиеш. Бу китапханәчеләрнең зур бурычы.
Чара ахырында Теләнче Тамак авылы балалары өчен махсус мастер-класс үткәрелде.

Фото язма авторы тарафыннан бирелде.