Якты юл
  • Рус Тат
  • Авыл җирлекләрендә агач утырталар

    6 октябрьдә республикада бердәм агач утырту көне игълан ителгән иде. Бу акциягә тукайлылар да кушылды, җирлекләрдә яшь агач үсентеләре тамыр җибәрде.

    Әлеге чара кысаларында Сәет авылында да урамнарга һәм мәчет ишегалдына агачлар утыртылды. Бу чарада авылдашыбыз, милли шура рәисе Васил Шәйхразыев тормыш иптәше белән, «Ирек» җитештерү кооперативы җитәкчесе Рөстәм Хаҗиев, авыл халкы һәм кайткан кунаклар катнашты, дип яза Сәет авылы клубы мөдире Айсылу Габдрахманова.
    Алабуга урманчылыгының район участок урманчысы Ирек Сафинның хакимияттә үткән киңәшмәдә әйтеп китүенчә, урманнар безнең территориядә нибары 17 процентны гына били. Район башлыгы Фаил Камаев бу күрсәткечне арттыру бурычын куйды һәм барлык авыл җирлекләрен урман утырту акциясендә катнашырга чакырды. 

    Нравится
    Поделиться:
    Реклама
    Комментарии (0)
    Осталось символов: