"Автобус" профилактик чарасы бара

2022 елның 5 аенда Татарстан Республикасы территориясендә автобус йөртүчеләрнең гаебе аркасында 43 авария булды, аларда 2 кеше үлде, 60 кеше җәрәхәтләнде. Аварияләр саны кимесә дә, 2 вакыйгада  үлүчеләр саны 2 кешегә булды һәм 7 кеше җәрәхәтләр алды.
Автобус йөртүчеләр тарафыннан аварияләрне булдырмау, шулай ук 2022 елның 8 июненнән 17 июненә кадәр юл хәрәкәте куркынычсызлыгына кагылган тупас фактларны булдырмау өчен, "Автобус" профилактик чарасы үткәрелә.
Чараның максаты пассажирларны автобуслар белән йөртүне контрольдә тоту, шул исәптән балаларны кайдадыр алып барганда, алып кайтканда аларның хәвефсезлеген тэәмин итү.
 Автобусларның техник яктан төзеклегенә, диагностик карталары һәм пассажирлар йөртергә рөхсәт биргән лицензиясе булуына аеруча игътибар биреләчәк. Машина йөртүчеләр рейска чыгар алдыннан медицина тикшерүе үтүләре һәм юлларга чыкканчы автобусларның техник яктан төзеклеге контрольдә тотылачак , дип хәбәр итә Тукай районы ЮХИДИ башлыгы Шамил Ганиев.