Һава торышын иң яхшы балалар тәкъдим итә

admin, 22 март 2019 - 09:10

748

Газетабыз битләрендә өр-яңа стильдә һава торышы сәхифәсе чыга башлады. Хәзер без аны балаларның фотосурәтләре белән бирәбез. Узган санда райондашларыбызга һава торышын Комсомолец мәктәбенең 4нче сыйныф укучысы, җырчы кыз, «Йолдызлык» бәйгесенең суперфиналисты Самира Галиуллина тәкъдим итте.

Сез дә үз балагызны газета битләрендә күрергә телисезме? Алайса, безнең Инстаграм (yakti_ul) социаль челтәренә балагызның фотосын юллагыз. Баланың мәктәпкәчә яшьтән алып 14 яшькә кадәр булуы төп шарт булып тора. Фото астында «Һава торышы» дигән язу булырга тиеш. Шулай ук баланың яшәгән җирлеге исеме, мәктәп яки балалар бакчасы атамасы, яше, исем-фамилиясе һәм ирешелгән уңышлары, элемтә өчен әти-әнисенең телефон номеры күрсәтелергә тиеш.
Әйдәгез, балаларыбызны матурлыкны күрергә, үзләрен күрсәтә белергә өйрәтик. Районыбыздагы һава торышын бергәләп үзгәртик!